هل تعرضت للتحرش من شخص كنتي تحسبيه شخص كويس ؟

Question

احكي انا تجربتكي الخاصة مع التحرش و اد تعرضتي له من طرف شخص معين كنتي تظنينه شخصا جيدا ( مديرك في العمل ، استاذك ، عمك ،…..)

Chilli_51507 🇪🇬 · Answer

اتعرضت للتحرش من خالي وانا عندي ٨ سنين تقريباً مش فاكره كنت كام سنه بس كنت صغيره وكان شبه هتك عرض ولكن من فوق الهدوم كنا المفروض بنلعب استغمايه انا وولاد خالاتي وهو بيلعبنا ف قالي تعالي اخبيكي في الاوضة وقفل الاوضة واتحرش ، انا وقتها مكنتش فاهمه حاجه وكنت نسيت اصلاً الموقف ده عقلي رماه خالص ومكنتش فاكره حاجه لحد من قريب ظهر تريند ميدوسا وكان الناس بتتكلم عن التعرض للتحرش والاغتصاب ف وقتها دماغي رجعتني للموقف وفكرتني بيه وافتكر الشعور وقتها كنت خايفه وحاسه ان في حاجه غلط بس مكنتش فاهمه كان ايه اللي بيحصل وليه عمل كده يعني دي ميوله هو بيدوفيلي ولا كانت وقت شهوة ولا ايه عموماً اياً كان ايه السبب ده مش مبرر للتحرش مهما كان ايه وربنا بيردهاله في حياته دلوقتي وبتدمر قدام عيني وحقي بيجيلي من غير ما اعمل حاجه الحمدلله ولسه بحاول اتشافى من الموضوع لانه مأثر شويه والموقف مكنش هين لما افتكرته من جديد وقتها كنت بكره نفسي ومازلت بصراحه بكرهها وفهمت انا ليه بكرهها طول السنين دي بس بحاول مكرههاش على قد ما اقدر

Biscuit_14417 🇪🇬 · Answer

ممكن  حد  يساعدني  ألاقي  دكتورة  نفسيه  كويسه 
 أون  لاين  أو  لو حد يعرف  دكتورة  في  دمياط  تكون  بالمجاني  او لو بسعر  بسيط جدا ً مش سعر  غالي بس  اهم   حاجه تكون  كويسه و ثقة  و  عن  تجربه  
 ضروووري  جدا جدا لو سمحتوا ؟ .......

Pineapple_35975 🇸🇦 · Answer

كان عندي 14 سنة و هو حد من عيلتنا كان بيعمل عملته و أنا نايمه فضلت أوهم نفسي اني بحلم و ان ده مش حقيقي اصل مش معقول الشخص ده يعمل فيا كدا معروف عندنا أنوا شخص كويس جدا لحد ما في يوم اتاكدت ان ده مش وهم و ان ده حقيقي قعدت فترة مقفوله من الشخص ده و مش عايزه أتعامل معاه و بخاف منوا لحد معرفش ايه الي حصل و نسيت و رجعت أتعامل مع الشخص ده عادي معرفش ازاي نسيت لحد ما مسلسل لام شمسية أتعرض افتكرت الي حصل و كاني عشته تاني حسيت بنفس الرعب و الخوف و رجعت تاني اتقفلت من الشخص ده تاني و بقيت أتهرب منوا دلوقتي أنا عندي 18 سنة و خلاص داخله على 19 بخاف من اي حد و اي راجل حتى ابويا مش عارفه لو هقدر أنسى تاني او أتخطى بس نفسي أنسى عشان اعرف ارجع أعيش حياتي

Peanut_28647 🇪🇬 · Answer

هو مش انا بس عندنا هنا في المكان اللي عايش فيه (مش عايز اقول الاسم) كان في مدرب جيم انا كنت بروحله انا وصحبي وفي مرة قولتله يلا ننزل الجيم عند كذا كذا قالي ما اتسجن سألته ليه قالي اتقبض عليه عشان  انتهك عرض طفل (تقريبا الولد سنه قريب من ال ٨ سنين) والطفل كان بينزل دم من........ وتعب اوي